Wednesday, 26 September 2012

Imar thaar ehan kii huttumeou mimut onar pothey?


Rebati Mohan Sinha

Amar tharor onek potro potrikat pakoriar, Bishnupriya Manipuri bhasha ehan mimut onar pothe, karon’han antorjatik sanstha UNESCO’oi mater. Morang proshno ahan sob somoy jagertai, bharator ‘Jana jati’r upore tothyo songroho (survey) koril kuno nijoswo machinery UNESCO’rta aseta amar bharote? na bharat sarkare der tothyo outar upore nirbhor koria easade report publish korerta? Bharator 2001 baro 2011’r census report’e mater’tai Bishnupriya bhasha ehan bharator 100’han non scheduled bhashar modhye ahan. Ami,10 bosor ontor ontor bharator lok’gonona’or, ehanore biswas kortang na Antordeshio Sanstha ahanore biswas kortang? Ami bideshe asi’etai jobor phapor agot poresita..

Nijor gang desh beleya bideshe aya thanar habitto hin`han, imar thare totora nuarani ehan. Banglai pakoresi`langta, “ Bina swadeshi bhasha, (kokhono) mitena asha”. Amar thare na totoreya, arak thar ahanlo totoranir hin’han bideshe jorom osi sou etai supou harnapeitai, karon tanu, amar thar`hanor thum’han, na’pasi. Esade sou`re BM main stream’e kisade anani? ehanor hotna’ahan korani.

Ebaka, sohorede poribortonor lohor aago bohese bulte khani mani gange-ghore`deou  ouhan dehiar. Sou`go jorom onar porey maat`han phutese`kii, na phutese, maalokey porom`anande ABCD hikuani okoriri, aangkorle`korle  matiritai, “amar thar`hante sougoi jebakau hiktoi`nai”. Aji-kali boiya aher chol`han, sougor  boyos dwibosor oite naitei, maat`hanou hoba`oya taang na`ose ugoi ‘tinkol tinkol leetil istar’ bultei maloke kolkoria, sou`goi engreji totorar bulia hopon dehani okoriri -  sou`go dangor oiya gor’gor engreji totora partoi, English Medium School`e leirik tamkortoi, doctor-engineer oya bejan poisa likol kameitoi. Hopon dehani ehan thokko loior`han’thang? khakorlete malok`e nijei sougore durei koranir yugar koria aniri. Nijor thar`han hikani nuarlo, harnapeilo nijor gang`desh, jehanor itihas, yari-pori, ela nasa kitta ahanou hike nuarlo. Har`napeilo nijor  oitijyo, dou`doulashang’or yari, hudda mukhosto koria gelga niros ojaana engrejir shobdo, jetar loge kuno somporkoi nei nijor gang-deshor. Taai sou`ego oiltai poila bhasha hara, porey giya gang-desh chhara. Phole kihan oil ? 20-24 bosor porey tanu Imar-thar`han ekebare pahurla, pakoranite dureir kotha. Kintu ehane ki proman kore parer, amar thar`han mimut onar pothey? Amar B.M. jono`soinkhar koto shotangsho sohore basa bari koria asita ? Gange-ghore sabha kita  ahan oile sohor vasir alochona ba somalochona korte karponyota na`kortara; kintu kuno kakei ahan bhitorgo phou’oiya na’kariar orthat kihan chum, kihan nagoi mike`got gia mategai loi`oil. Matte gelega prai adha lishing sohoror ou`gavrapuei,purijelei aag baria aji samajor kame lamik bulia thengosi.

 Yodi oteetor ubede mileng`ahan diar, taaile mung`hanat aherta, ami Manipuri, Manipuretto ahesita, koi’dinou nagoi ami  Bishnupriya Manipuri oilingta. Niam`dinou  na’se lekhai porai thar ehanore ami amol koresita. Ajitto prai 50/60 bosor age chakrilo sohore gia thaila utai miang thar`ehan basa-barit totorla, chithi-potradi banglai ikorla, ebaka tanur sou jiput amar thare totortara. Cacharor teen’han gang, Mashughat, Dudpatil baro Rakhal Tila`t aagede khair thare totorla, ebaka amar thare totortara. Gaang-ghore leirik thikorlata khair thare, ebaka amar thare. Shoradhwo kitat amar thare Ishalpai ela dena okorla,  malthepe aroti’kitau amar thare dena okorlang. Esade somaje bhasha ehan mojbut oya aher, sou`e B.M. bhasha`han school`e pakortara, ehan kii mimut onar lokkhon? Durodorshone amar thare program dena okorla. Daangor poriborton ahan jehan nojore aher’han oiltai, hurkaang sohorete thak, daangor daangor Metro Cityt ami amar manur loge amar thare totora pariar. BM sahitya chorcha koranir shikkhavid kom naila. Samaje amar tharor leirik(books) niyomito bhabey lukuler. Esade onek drishtanto dena yakorer, outa habi epeit dhoria tulanir mor kuno ich’chha nei. Amar bhasha ehan kuno kalei danger zone`e neosil, baro agede`ou na thaitoi. Bishnupriya Manipuri bhasha ehan aher din etat arakou bolian oitoi. Bharator metro city`t bortomane B.M.registered sanstha ase,jepeit amar kola krishtir chorcha or, jeta kuno kalei neosil. Goje ikora tothyo etalo proman korani yakorer je,  amar thar ehan mimut o`nuarer.
Related Posts Plugin for WordPress, Blogger...

Bisarei — Bishnupriya Manipuri Search Engine

Bisarei